المنتدي التعليمي والترفيهي
عزيزي الزائر / عزيزتي الزائرة يرجي التكرم بتسجبل الدخول اذا كنت عضو معنا
او التسجيل ان لم تكن عضو وترغب في الانضمام الي اسرة المنتدي
سنتشرف بتسجيلك
شكرا
ادارة المنتدي


منتدي تعليمي ترفيهي ثقافي اجتماعي
 
الرئيسيةالبوابةاليوميةس .و .جبحـثالأعضاءالمجموعاتالتسجيلدخول
بحـث
 
 

نتائج البحث
 
Rechercher بحث متقدم
المواضيع الأخيرة
» نكات مساطيل
الثلاثاء يناير 24, 2012 4:12 pm من طرف فاطمة عبدالله بابكر

» تفضل هنا عزيزي الزائر
السبت أغسطس 27, 2011 4:39 pm من طرف bee55

» يلا نبني مصر بجد
السبت أغسطس 27, 2011 4:38 pm من طرف bee55

» مصر تنادي هل من مجيب معاً لبناء مصر
الجمعة يوليو 01, 2011 10:00 am من طرف hobaaa2010

» فرصة عظيمة لشباب مصر منحة مجانية لتعلم اللغة الانجليزية
الثلاثاء يناير 18, 2011 1:51 am من طرف bee55

» فلم دارفور [you]
الجمعة ديسمبر 17, 2010 12:06 pm من طرف bee55

» ثنائي الوصلة – الدايود - Diod
الثلاثاء ديسمبر 14, 2010 12:00 pm من طرف bee55

» سجل حضورك بالصلاة علي النبي
الأحد ديسمبر 12, 2010 10:52 am من طرف bee55

» ازاعة القرآن الكريم
الأحد ديسمبر 12, 2010 8:15 am من طرف bee55

ازرار التصفُّح
 البوابة
 الصفحة الرئيسية
 قائمة الاعضاء
 البيانات الشخصية
 س .و .ج
 بحـث

شاطر | 
 

 حال الهلالاب اليومين ديل

اذهب الى الأسفل 
كاتب الموضوعرسالة
bee55
صول
avatar

عدد المساهمات : 110
نقاط : 3510
التقييم : 8
تاريخ التسجيل : 02/05/2010
العمر : 27

مُساهمةموضوع: حال الهلالاب اليومين ديل   الجمعة أكتوبر 22, 2010 8:46 am

كتب سلك:
الناس يقولوا ليك فلان ده فاكيها في روحو

تاميها مويه
اليومين دي لقي ليهو قرشين غير مشيتو
متجدع
منفوخ في الفارغه
زول متشبرق سااااااااي
اها
الجماعه طبعا اليومين دي فاكنها في روحهم
الكاف يختار سادومبا وكاريكا لمسابقه انجم نجوم الكوره
تخيلوا كاريكا
الكاف ده نصيح يا اخوانا ؟
المهم
شبرقه شديده
وتغيير في المشيه
الفلان الكونفدرالي
الغريبه كان اسمها الجعرانيه
شبرقه ساي اتغيرت للكونفدراليه
يا ديل شدة ما اتشبرقوا
قالوا المريخ بعد تعب غلب المورده الغلبناها سته
المورده الغلبوها سته بعد ما الحكم طرد بكرت واحد اتنين
وانذر اتنين
وقال بلنت
لكن ده ما الموضوع
نسوا انوا المورده دي زاتها اخدت مننا اربعه في الدوره الاولي
وغلبوها هم في الدوره الاولي بهدف مشكوك فيه بعد خروج الروح
وبعد ما اضاعت المورده مهرجان اهداف
كلها انفرادات
شبرقه شديده خلاص
المهم اتشبرقوا وفكوها في روحهم وتموها مويه
كتبوا
مواجهة الامل بروفه حقيقيه للمعارك الكونفدراليه
دي حالتها بروفه !
مناظر ساااااي !
الفيلم التونسي قرب
اتشبرقوا وكتبوا
قهرنا اعتي الفرق بشفتنة الارباب
خت تحتها خطين
اتشفتني
ارباب وقفل الباب
اتشبرقوا
والمره دي تموها مويه لما شرقت
وكتبوا الهلال ينتظر التتويج
اتتوجي
( طعنت منو قبل كده )
اتشبرقوا
وكتبوا
الصفاقسي يفقد لاعبين امام الهلال بالايقاف
( للتطمين والشبرقه )
الكلام ده بعد الكوره بنكروهوا
وبقولوا الصفاقسي كان تامي وزايد كمان
وان غياب التعاون كان سببا رئيسيا في الهزيمه الثقيله
قلت ليكم الناس ديل شبارقه ساااااااااااااي
اتشبرقوا لما تمرقوا
المهم
كورة الماسوره الدقت في الماسوره ورجعت للماسوره لسه الفيفا ما افتتكم فيها ؟
غايتو يخيل لي ان الاتحاد الافريقي اختار كاريكا عشان يسألو من الحته دي
يقول ليهو يا كابتن انت ما سمعت بان اللاعب المنفذ لضربة الجزاء لو ارتدت له من القائم او العارضه لايحق له لمسها الا اذا لمست لاعب تاني ؟
انت ما لعبت دافوري ؟
ولا كنت خرخار ساي !
واختيار سادومبا عشان يشرح كيف يمثل علي الحكام لاحتساب ضربات الجزاء
شفتوهوا في كورة عطبره ؟
لما مدافع عطبره مسك سادومبا من (فقرتو ) والكوره كانت بره اللعب
شفتوا سادومبا مسك وشوا ووقع كيف ؟
وقع في الاتجاه الممسوك منو ؟
مفروض يقع في الاتجاه العكسي لو انضرب
المهم
وكتبوا
لا لاستعجال عودة البرنس هيثم مصطفي بعد العمليه الجراحيه للملاعب, لا يمكن ان يلحق اللاعب بمباريات الممتازاو لقاء الذهاب مع الصفاقسي التونسي في تونس
طيب جاي يلحق شنو تاني ؟
بالمناسبه
واحد قال لي البرنس بدأ التدريب
قلت ليهو بالسرعه دي العمليه دي عملها بي لحام بارد ولا شنو ؟
الجماعه قالوا فطروا في البيت السوري حتي مشوا عطبره
امال لو فطروا في البيت التونسي كان حصل شنو ؟
تتذكروا السوريين لما عملوها في الجماعه !
ياخ الناس البقلبوا الهوبه في رمية التماس
ياخ لما الجماعه سافروا سفره واحده طاروا مرتين (ود رقم قياسي )
ياخ لما طردوا عزو
ياخ لما لعبوا الشريف
ما الشريف بتاع نيجيريا
بالمناسبه
في ناس بقولوا الشريف بتاع نيجيريا شريف مادوغري
وفي ناس بقولوا شريف نيجيريا شريف دوغري لكن المفروض ان نحسن الظن
وان لا نطلق الكلام علي عواهنه
المهم
الجماعه في عطبره
بعد الكوره قال ليك كلهم واقفين ساعتين في الاستاد
واحد من ناس عطبره قال للتاني الناس ديل واقفين راجين شنو ؟
التاني قال ليهو واقفين راجين راجي يعكسها
اقيف لسه
اقيف واسمع
بالمناسبه
يخيل لي البيئه بتأثر في شكل الانسان
يعني مثلا اشجار الصحراء بتكون اوراقها في شكل ابر
عشان يصغر سطح الورقه وبالتالي يقل معدل فقدان الشجره للمياه
وكذا الانسان
يعني اسي اليابانيين ديل او الصينيين او الفلبينين او الاندونوسيين ديل ما كلهم ببقوا لي بعض
عيونهم الزي قدود الجلد دي ما وراثه
لكن في شئ في البيئه مؤثر فيها خلاهن مشرطات وسحوبات لي فوق
وعشان اثبت ليكم هذه النظريه السلكيه
عندي صاحبي اسمو هاشم عبد المنعم
زول عادي وكويس جدا وشكلو مقبول
اغترب مشي السعوديه
في السعوديه قالوا ليهو نقلناك اندونيسيا
قعد هناك اربعه سنين
وحشني شديد
ولما رجع
رجع ايدينو قصااااااااااااااااار
زي القميص الصيني
موش قلت ليكم البيئه بتأثر في الشكل !
تونس مطرت
ماتنسوا احذية المطر
احذية شنو !
تركترات عديييييييييييييل كده
واتمطري واتشبرقي
بكره لو ربك رب الخير ادانا العمر دايرين نتكلم عن حال الاستاد وحال النجيل وحال النادي وصالة الخماسيات وحوض السباحه
الله يحيينا

سلك كهربا
ننسي كيف يا فردهوالي لقاء
سلك
[/size]

_________________
لا تنسي ان تدعو اصدقائك لهذا المنتدي
لا تنسي ان تضيفنا الي المفضلة
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://learn.ahladalil.com
 
حال الهلالاب اليومين ديل
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
المنتدي التعليمي والترفيهي :: دكان ود البصير :: عشاق الكورة-
انتقل الى: