المنتدي التعليمي والترفيهي
عزيزي الزائر / عزيزتي الزائرة يرجي التكرم بتسجبل الدخول اذا كنت عضو معنا
او التسجيل ان لم تكن عضو وترغب في الانضمام الي اسرة المنتدي
سنتشرف بتسجيلك
شكرا
ادارة المنتدي


منتدي تعليمي ترفيهي ثقافي اجتماعي
 
الرئيسيةالبوابةاليوميةس .و .جبحـثالأعضاءالمجموعاتالتسجيلدخول
بحـث
 
 

نتائج البحث
 
Rechercher بحث متقدم
المواضيع الأخيرة
» نكات مساطيل
الثلاثاء يناير 24, 2012 4:12 pm من طرف فاطمة عبدالله بابكر

» تفضل هنا عزيزي الزائر
السبت أغسطس 27, 2011 4:39 pm من طرف bee55

» يلا نبني مصر بجد
السبت أغسطس 27, 2011 4:38 pm من طرف bee55

» مصر تنادي هل من مجيب معاً لبناء مصر
الجمعة يوليو 01, 2011 10:00 am من طرف hobaaa2010

» فرصة عظيمة لشباب مصر منحة مجانية لتعلم اللغة الانجليزية
الثلاثاء يناير 18, 2011 1:51 am من طرف bee55

» فلم دارفور [you]
الجمعة ديسمبر 17, 2010 12:06 pm من طرف bee55

» ثنائي الوصلة – الدايود - Diod
الثلاثاء ديسمبر 14, 2010 12:00 pm من طرف bee55

» سجل حضورك بالصلاة علي النبي
الأحد ديسمبر 12, 2010 10:52 am من طرف bee55

» ازاعة القرآن الكريم
الأحد ديسمبر 12, 2010 8:15 am من طرف bee55

ازرار التصفُّح
 البوابة
 الصفحة الرئيسية
 قائمة الاعضاء
 البيانات الشخصية
 س .و .ج
 بحـث

شاطر | 
 

 نكات مساطيل

اذهب الى الأسفل 
كاتب الموضوعرسالة
zebra



عدد المساهمات : 1
نقاط : 3097
التقييم : 0
تاريخ التسجيل : 02/05/2010

مُساهمةموضوع: نكات مساطيل   الأحد مايو 02, 2010 5:59 pm

| واحد مسطول في قسم الشرطة صدم 15 زول بسيارة
الضابط قاليهو : دا شنو العملتو دا يازول
قال: انا كنت سايق في الشارع .. فراملي فكت وفجا ظهر لي زول قدامي، صيوان عرس علي يميني و اولاد صغار علي شمالي.
الظابط قاليهو : طيب ماكان تصدم الزول البراهو.
قال ليهو: انا زاااتي قلته كدة ... لكن هو جري دخل بيت العرس!!!


المسطول مشى بيت ناس صحبو دقه الباب جاتو اخت صحبو
سألا حسن في ؟
قالت ليهو مافي
فضل واقف سرحان
قالت ليهو خلاس لما يجي بكلمو ليك
قاليها كلميهو انتي قايلاني خايف منو؟؟


مسطول بابه دقه...قال:'منو الفي الباب؟' قال ليهو:'افتح يا جدو انا حفيدك'.قاليهو:'يعني حتفيدني في شنو يعني؟'

واحد مسطول مشي الصيدلية قال للدكتور : 'عايز لبن اطفال'.
الدكتور: 'اسمو شنو؟'
المسطول رد : 'اسمو اشرف'



مسطول مشى محل حلوانى العامل قال ليه سفرى ولا محلى رد المسطول : اقول ليك حاجه شكلو

اتنين مساطيل قاليهم العسكري ' وليه كلكم عيونكم حمرا'؟؟
قالوا ليهو: 'بنبقى لبعض'!!

مسطول كان ماشى لقى الناس بصلوا فى (زاويه) و الارضية كانت برش قام صلى معاهم، بعد الصلاة خلصت الناس
مشت الا الامام و المسطول كان غالبو يقوم ، قام الامام قال للمسطول : 'يا ولدى يلا لفه'،
المسطول : 'يا مولانا انت جادى؟؟'

اربعه مساطيل سايقين عربيه والسطله راااابطه معاهم شديد قامو صدمو العربيه طفجوها طفيج شديد..
قالو خلاص نحنا ننفخ العربيه دي من العادم..نزلو تلاته قعدو ينفخو فى العادم بخشومم...والرابع واقف بعيد بيضحك ضحك شديد...
جوهو قالو ليهو:' بتضحك مالك؟'
قاليهم:' إنتو عووره ولا شنو؟ بتنفخو في العربيه والشبابيك فاتحه؟'


مسطول.. بتاع الحركة قال ليهو: ما رابط الحزام ليه؟ قال ليهو: 'هو أنا بالله لابس بنطلون؟؟

مساطيل علي شاطئ النيل وجعانين جدا .. واحد سمع صوت ضفدع ، سأل أخوه دا صوت شنو ، رد عليه صوت ضفدع ..
قال له والله أنا قايلها طحنية

مسطول طوالي بيمشي دار الرياضة أم درمان و يقرأ السبورة المكتوب فيها المباريات قبل يخش الكورة ,يوم مع السطلة
القوية شديد بدل دار الرياضة دخل مستشفي الدايات بالغلط و شاف سبورة مكتوب عليها التطعيم ضد الجدري
قال و الله ناس شداد ديل بقوا يجيبوا لينا أسماء فرق عجيبة خلاص

مسطول عندو جدو عجوز و يدينه بترجف
دخل يوم البيت لقي جدو بيأكل في قالب جلي
جدو يرجف
و القالب يرجف
و الجلي يرجف
ال و الله يا جدو جهجهتوا المعلقة



اتنين مساطيل قاعدين جنب البحر
جاء صندوق سجائر مطفح في الموية
و احد قال للتاني : لو نطيت جبت ليك الصندوق دا بتديني شنو
التاني : بديك الصرفة الأولي


استاذ سال تلميذ مسطول ما معنى كلمة سبيل؟ رد التلميذ: طريق..
المعلم وسلسبيل؟ قال ليهو ... طر.. طريق


واحد مسطول مثقفاتى سالوهو ما فائدة (ملاح الويكه؟)
قال: يساعد علي انزلاق اللقمه

مسطول مشى الحج قالو ليهو قوم طوف واسعى
قال ليهم: وانتو مش قلت كل شئ على البعثة


مسطول بيضرب بوهية قالوا ليهو خت الجريدة دي تحتك قال ليهم: لا لا.. كده بحصِّل

مسطول قاعد يبكي في المستشفى سألوه"خير"؟
قال :" أبدا ...الوالد شوية متوفّي..!

مسطول قاعد مع مرتو حب يدلعها،،قاليها :انتي حمامة
قالت ليهو لأ، انا غزالة
قال ليها : المهم حيوانة


عريس مسطول اصحابوا قالو ليو ماشين نجيب التلج .. قال ليهم سمح عزلوا الساااااااااااااااااااااقط

مسطول مرتو ماتت قالو ليه نديك أختا؟ قال ليهم: معقول ياخي .. ديل نسابة ولا شركة تأمين أًصلو

مسطول قال لمرته:الدنيا دي بقت زي حديقة الحيوانات لأنو الواحد بقوم من النوم
زي الحصان و بمشي الشغل زي الكلب وبشتغل زي الحمار وبي راجع زي ابو القدح و آخرتا ساكن مع بقره

مسطول سأل الدكتور قال ليهو : «فهمني كيف تحللوا البول وتحرموا الخمرة ؟؟

مسطول عايزاه امه يساعدها بالسمبكسه قالت ليهو بتعرف تلف ؟ قال: خليكى عاقله ياحاجة!


مسطول سالوهو منو من الانبياء كان بتكلم مع الحيوانات قال ليهم طرزان

واحد مسطول بيشرب سجارة وبيرجع البيت يفتح الباب بالمفتاح و يرقد ينوم
مرة كان مقرش اشترى سجارتين ولع واحدة ونسى التانية لما رجع البيت عاوز يطلع المفتاح طلع السجارة التانية استغرب و قال ياربي أكون أنا شربت المفتاح



مسطول ساكن جارو انصار سنة اها كل يوم كره ليك المسطول ،الصلاة السجاير حرام يوم انصار السنة عازم اصحابو غدا اها جو طالعين بعد الغداء وكانوا كلهم اربعة في اربعة
المسطول قال ليهم اقعدو اسمنوا انتو وضعفوا لينا في الاحاديث ,,,,

** مسطول سالوه:- العلاقه بين العسل والشهيد شنو.
قال ليهم:- الاثنين بيتلحسو..

واحد مسطول بصلي تلفونو رنه قام ردا و هو بصلي !قال ليه انت وين ؟ قال في التحيات لله


مسطول عمل عملية تجميل جاء داخل لاهلو بعد العملية
قال ليهم على بالقسم ما عرفتكم

مسطول فتحو محطة بنزين جنب بيتهم.....
قال: اخيراً الواحد يقدر يكب بنزين كداري

مسطول عذب القاضي عذاب .. في أخر مرة قبضوه القاضي قال ليهو الليلة مابفكك إلا توصف
لي السيجارةالبتشربه دي بعشرة كلمات وكلها تكون بحرف الباء .. المسطول قام قال ليهو ::
بأشتريها، بجيبه، بطلعه، بفكها، بفتفته، بلفها، بظبته، بولعه، بأنسطل، بتكيف

واحد سكران بسأل من بيت جماعة...واحد بوصف لى:تمشى بى شارع كبسولة بسط الامن تخش
على شارع المحكمة تخلى مركز الشرطة على يمينك البيت الفاتح على بيت الامن طوالى دا البيت..
.رد على السكران فى ذمتك اسى شارعك الوصفتو دا زول شارب كركدى بمشى بيهو

ادروب عسكرى قالو ليهو نديك شريطين تمشى دارفور قال والله لو اديتونى مسجل ما امشى .

إمام شايقي في الركعة التانية
سمع واحد جاري يحصل الركعة،
سلم وهو واقف
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
bee55
صول
avatar

عدد المساهمات : 110
نقاط : 3452
التقييم : 8
تاريخ التسجيل : 02/05/2010
العمر : 27

مُساهمةموضوع: اطربتنا يا سيد زبرا   الأحد مايو 02, 2010 11:16 pm

الحقيقة مع انو كنت لوحدي لكن كنت بضحك باعلي صوت
تشكر بس المرة الجاية حاول تكبر الخط تمام يا مان


الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://learn.ahladalil.com
فاطمة عبدالله بابكر



عدد المساهمات : 1
نقاط : 2463
التقييم : 0
تاريخ التسجيل : 24/01/2012

مُساهمةموضوع: رد: نكات مساطيل   الثلاثاء يناير 24, 2012 4:12 pm

مسطول قتل ابوه سالو ليه قتلتو قال ناس مدرسة عاملين رحلة للايتام مجان
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
نكات مساطيل
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
المنتدي التعليمي والترفيهي :: دكان ود البصير :: الترفيه والضحك-
انتقل الى: